बोरी : जिंतूर तालुक्यातील बोर्डी येथे राज्यमंत्री तथा पालकमंत्री मेघना साकोरे-बोर्डीकर यांच्या संकल्पनेतून व पंतप्रधान नरेंद्र मोदी यांच्या वाढदिवसानिमित्त आयोजित सेवा संकल्प अभियान अंतर्गत माझे गाव.. आरोग्य संपन्न गाव.. या उपक्रमांतर्गत बोर्डी ग्रामपंचायत येथे मोतीबिंदू पूर्व तपासणी शिबिराचे आयोजन करण्यात आले होते.
या शिबिरामध्ये एकूण २०८ नागरिकांची मोतीबिंदू तपासणी करण्यात आली. त्यापैकी ३३ रुग्ण मोतीबिंदू शस्त्रक्रियेसाठी पात्र ठरले असून, त्यांना आज जिल्हा नेत्र रुग्णालय, परभणी येथे मोतीबिंदू शस्त्रक्रियेसाठी रवाना करण्यात आले. यावेळी ग्रामपंचायत बोर्डीचे सरपंच गंगाधर गिरी, उपसरपंच राजेंद्र कदम, अंगद कदम, शिवाजी कदम, प्राथमिक आरोग्य उपकेंद्राचे समुदाय आरोग्य अधिकारी डॉ. सचिन गायकवाड, आरोग्य सेवक डॉ. राजेश शहाणे, आरोग्य सेविका डॉ. पांचाळ व ग्रामस्थ उपस्थित होते.
शिबिर यशस्वी करण्यासाठी ग्रामपंचायत, आरोग्य विभाग व ग्रामस्थांनी विशेष परिश्रम घेतले. ग्रामीण भागातील गरजू रुग्णांना मोफत व वेळेवर उपचार मिळावेत, हा या उपक्रमाचा मुख्य उद्देश असल्याचे यावेळी सांगण्यात आले.
















