मुंबई : अहमदाबादच्या नरेंद्र मोदी स्टेडियमवर रंगलेल्या गुजरात टायटन्स विरुद्धच्या सामन्यात चेन्नई सुपर किंग्सला ८९ धावांनी पराभवाचा सामना करावा लागला. आयपीएलच्या इतिहासातील सर्वात मोठ्या पराभवासह त्यांचा यंदाच्या हंगामातील प्रवास संपुष्टात आला. सामन्यानंतर ऋतुराज गायकवाडने महेंद्रसिंह धोनीची उणीव जाणवली, ही गोष्ट बोलून दाखवली. एवढेच नाही तर यावेळी त्याला महेंद्रसिंह धोनी पुन्हा सीएसकेच्या ताफ्यात दिसणार का? असा प्रश्न विचारण्यात आला होता. यावर ऋतुराज गायकवाडने संभ्रम वाढवणारे उत्तर दिले.
गुजरात टायटन्स विरुद्धच्या सामन्यातील पराभवानंतर ऋतुराज गायकवाडला महेंद्रसिंह धोनी पुन्हा चेन्नई सुपर किंग्सच्या ताफ्यात दिसणार का? असा प्रश्न विचारण्यात आला होता. यावर चेन्नई सुपर किंग्सचा कर्णधार म्हणाला की हे पुढच्या वर्षीच कळेल, मलाही त्याच वेळी समजेल. आम्हाला त्याची उणीव भासली. तो शेवटच्या षटकांमध्ये येऊन सामना बदलू शकतो. फक्त क्रीजवर उभा राहूनही सामन्याचा वेग आणि परिस्थिती बदलतो. पुढच्या हंगामात काहीही सांगता येत नाही. आधीच धोनीच्या निवृत्तीसंदर्भातील मुद्यावर वेगवेगळ्या चर्चा रंगत असताना ऋतुराजच्या वक्तव्याने सस्पेन्स आणखी वाढवला आहे.
