नवी दिल्ली : प्रतिनिधी
अंड्याला सुपरफूड मानले जाते कारण त्यामध्ये शरीरासाठी आवश्यक असणारे सर्व पोषक घटक असतात. मात्र, सध्या अंडी खाण्यावरून एक मोठा वाद सुरू झाला आहे. अंड्यांमध्ये कॅन्सरचा धोका निर्माण करणारे ‘नायट्रोफुरंटोइन’ नावाचे प्रतिबंधित अँटीबायोटिक आढळत असल्याचा दावा केला जात आहे.
हा संपूर्ण वाद ‘एगोज’ (एॅॅङ्म९) या प्रसिद्ध अंडी ब्रँडशी संबंधित आहे. भारतातील लोकप्रिय प्रीमियम अंड्यांच्या ब्रँडपैकी एक असलेल्या या एगोज न्यूट्रिशनवर प्रश्नचिन्ह निर्माण झाले आहे. एगोज अंड्यांच्या एका बॅचच्या लॅब टेस्टिंगमध्ये ‘एओझेड’ नावाच्या संयुगाचे प्रमाण ०.७३ पीपीबी आढळले आहे. ‘एओझेड’ हे नायट्रोफ्युरन्स नावाच्या प्रतिजैविकांचा अवशेष आहे. भारतात या रसायनावर बंदी आहे कारण त्याचा संबंध ‘जेनोटॉक्सिसिटी’शी आहे. हे रसायन मानवी डीएनए खराब करू शकते आणि कर्करोगाचा धोका वाढवू शकते.
‘नायट्रोफुरंटोइन’ हा अँटीबायोटिक्सचा एक गट आहे जे खाद्य प्राण्यांच्या उत्पादनात वापरण्यास पूर्णपणे बंदी आहे. आरोग्य तज्ज्ञांच्या मते, जर ही औषधे कुक्कुटपालनात बेकायदेशीरपणे वापरली गेली तर त्यांचे अवशेष अंड्यांमध्ये उतरू शकतात. म्हणूनच ‘फसई’ ने देशभरात नमुने आणि चाचणी करण्याचा निर्णय घेतला आहे.
