परभणी : साहित्यरत्न लोकशाहीर अण्णाभाऊ साठे यांची जयंती शनिवार, दि. १ ऑगस्ट रोजी सर्वत्र मोठ्या उत्साहात साजरी करण्यात आली. परभणी सोशल मीडियाच्या वतीने मागील पाच वर्षांपासून जयंती निमित्ताने विविध सामाजिक उपक्रमांचे आयोजन करण्यात येत आहे. यावर्षी विविध शाळेतील १० गरजू विद्यार्थीनींना सायकल वाटप करण्यात आले. या उपक्रमामुळे आर्थिकदृष्ट्या दुर्बल विद्यार्थीनींना शिक्षणासाठी ये-जा करणे अधिक सुलभ होणार आहे. मागील वर्षी महिलांना स्वावलंबी बनविण्याच्या उद्देशाने शिलाई मशीन वाटप करण्यात आले असून या सामाजिक बांधिलकी जपणा-या उपक्रमाचे सर्व स्तरातून कौतूक होत आहे.
साहित्यरत्न लोकशाहीर अण्णाभाऊ साठे यांच्या विचारांचा वारसा दरवर्षी जपत समाजातील वंचित, गरजू आणि होतकरू घटकांसाठी विविध सामाजिक उपक्रम राबविण्याचा संकल्प परभणी सोशल मीडियाने केला आहे.
आज संपन्न झालेल्या कार्यक्रमास अध्यक्ष म्हणून भाजपाचे महानगर जिल्हाध्यक्ष शिवाजी भरोसे तर स्वागताध्यक्ष शिवसेना तालुकाध्यक्ष प्रभाकर कदम होते. यावेळी मध्यवर्ती बँकचे संचालक मेहराज खान, वंचित बहुजन आघाडीचे जिल्हाध्यक्ष प्रमोद कुटे, कमलकिशोर अग्रवाल, डॉ. गोविंद कामटे, संतोष देशमुख, ऋषी दांडेकर, पप्पू गायकवाड, महाराष्ट्र राज्य वीज तांत्रिक कामगार संघटना परभणीचे नाना चट्टे, मकसूद पठाण, शेख सलमान, शिवसेना संपर्क प्रमुख सखुबाई लटपटे, शिवसेनेच्या महाराष्ट्र प्रदेश उपाध्यक्ष अर्चना चिंचाणे, कमल राठोड, कल्पना दळवी, अनुराधा टाक, मीरा इगवे, मालन धोत्रे, उषा बिडवे, गौरी धबाले, पूजा कांबळे, प्रियंका वाघ, पिंटू गडदे, विलास राठोड, गोविंद गिरी, विष्णू वैरागड, मुकुंद धबाले, राहुल शिवभगत, सुरेश पाचपुंजे आदी मान्यवरांची प्रमुख उपस्थिती होती.
यशस्वीतेसाठी जयंती कमेटीचे राहुल धबाले, राजू कर्डिले, बालाजी कांबळे, नजीब सिद्दिकी, धनंजय धबाले, सय्यद जमील, बाळासाहेब घिके, संदीप लहाने, रियाज कुरेशी, विष्णू सायगुंडे, शंकर झटे, सय्यद खिजर, शेख इस्माईल आदींनी परिश्रम घेतले.
