बोरी : जिंतूर तालुक्यातील बोरी हे गाव तालुक्यातील सर्वात मोठे असून येथील बाजारपेठेमुळे परिसरातील अनेक गावे बोरीशी जोडली गेली आहेत. येथील ग्रामीण रुग्णालयाला ब-याच दिवसांपासून कायमस्वरूपी वैद्यकीय अधीक्षक नसल्यामुळे प्रभारी अधिका-यावर रुग्णालयाचा कारभार सुरू होता.
परंतू आता या रुग्णालयाला कायमस्वरूपी वैद्यकीय अधिकारी डॉ. अशोक बन यांची नियुक्ती झाल्यामुळे बोरी व परिसरातील रुग्णांना चांगल्या आरोग्य सुविधांसह वेळेवर उपचार मिळतील अशी आशा निर्माण झाली आहे.
बोरी ग्रामीण रुग्णालयात नव्याने आलेल्या वैद्यकीय अधीक्षक डॉ. अशोक बन, वैद्यकीय अधिकारी डॉ. खाडे यांचा बोरी येथील परभणी इंडियन मेडिकल असोसिएशनचे जिल्हाध्यक्ष डॉ. कालिदासराव चौधरी यांच्या वतीने सत्कार करण्यात आला. यावेळी डॉ. गबाळे, डॉ. शेख, डॉ. कुलकर्णी, शिपाई केंद्रे यांच्यासह दवाखान्यातील पूर्ण स्टॉप उपस्थित होता.
या कार्यक्रमाला गावातील भाजपा किसान मोर्चाचे तालुकाध्यक्ष दिनकर चौधरी, बोरी भाजपा मंडळ अध्यक्ष अशोक शिंपले, माजी जिल्हा परिषद सदस्य पंडितराव घोलप, सुधाकर आप्पा संगेकर, गंगाधर देशमुख, ग्रामपंचायत सदस्य वामन शिंपले, ओंकार संगेकर, पांडुरंग कंठाळे, अनिल चेन यांच्यासह गावातील नागरिक उपस्थित होते.
