अयोध्या : अयोध्या राम मंदिर देणगी चोरी प्रकरणाची चौकशी करणा-या एसआयटीला आप खासदार संजय सिंह यांनी जमीन घोटाळ्याशी संबंधित पुरावे दिले. संजय सिंह गुरुवारी सकाळी ११ वाजता लखनौमध्ये एसआयटीचे अध्यक्ष विजय विश्वास पंत यांच्या कार्यालयात पोहोचले. ते सुमारे १२ मिनिटे खोलीत थांबले.
संजय सिंह बाहेर येऊन म्हणाले राम मंदिरात झालेल्या जमीन घोटाळ्याचे ११ कागदपत्रे मी एसआयटीला सोपवले आहेत. एक-एक करून सर्व समोर येत आहे. पैशांची वसुली झाली आहे, देणगी चोरीचे अनेक पुरावे मिळाले आहेत. तरीही आतापर्यंत कोणीही तुरुंगात का गेले नाही? कोणालाही अटक का झाली नाही? आतापर्यंत कोणतीही एफआयआर का दाखल झाली नाही? ही अत्यंत आश्चर्यकारक बाब आहे. खरं तर, संजय सिंह यांनी दावा केला होता की त्यांच्याकडे अयोध्येतील जमीन घोटाळ्याशी संबंधित पुरावे आहेत. त्यानंतर एसआयटीचे प्रमुख कुमार विश्वास पंत यांनी त्यांना पुराव्यासह बोलावले होते. इकडे, ट्रस्टचे महासचिव चंपत राय यांच्या राजीनाम्याची बातमी मंदिर बांधकाम प्रभारी गोपाल राव यांनी फेटाळून लावली आहे.
खोट्या बातम्या पसरवू नका
सोशल मीडियावर खोट्या आणि दिशाभूल करणा-या बातम्या पसरवल्या जात आहेत. लोकांनी अफवांवर लक्ष देऊ नये. प्रकरणाची चौकशी एसआयटी करत आहे. एसआयटी अहवालाची वाट पहा. यानंतर दूध का दूध आणि पाणी का पाणी होईल. खरं तर, गुरुवार सकाळपासून सोशल मीडियावर चंपत राय यांच्या राजीनाम्याबाबत दावे केले जात होते. अनेक पत्रकार आणि सोशल मीडिया इन्फ्लुएन्सर्सनी याबाबत वर पोस्ट केल्या होत्या. बजरंग लाल बागडा यांनीही सांगितले की, चंपत राय यांच्याकडून राजीनामा घेण्याची बातमी चुकीची आहे.
