आर्थिक विवंचनेतून उचलले टोकाचे पाऊल
पिंपरी चिंचवड : पिंपरी-चिंचवडमधील मोरवाडी परिसरात आर्थिक विवंचनेतून एकाच कुटुंबातील तिघांनी सामूहिक जीवन संपवल्याची धक्कादायक घटना घडली. या त्रिकोणी कुटुंबातील विनोद पिल्ले या कर्त्या पुरुषाने जीवन संपवण्याआधी लिहिलेल्या चिठ्ठीत आमच्या मृत्यूला कोणालाही जबाबदार धरू नये, असे म्हटले होते. काल विनोद पिल्ले यांचा मृत्यू झाला तर आज त्यांची पत्नी सिरजा पिल्ले यांचा आणि मुलगी पौर्णिमा पिल्ले यांचा उपचारादरम्यान मृत्यू झाला. त्यांनी सोडियम नायट्रेटसारख्या विषारी औषधाचा धूर घेऊन जीवन संपवल्याचा पोलिसांना संशय आहे.
पिंपरी-चिंचवड शहरातील मोरवाडी येथील करिष्मा ग्लोरी सोसायटीत एक दुर्दैवी घटना घडली. या दुर्दैवी घटनेत पती-पत्नी आणि मुलगी यांचा दुर्दैवी मृत्यू झाला. विनोद पिल्ले (५०), सिरजा पिल्ले (४५) आणि पौर्णिमा पिल्ले (१९) अशा कुटुंबातील तिघांनी आर्थिक विवंचनेतून जीवन संपवल्याचे म्हटले जात आहे. विनोद पिल्ले यांनी आयआयएम अहमदाबाद येथून कॉम्प्युटर सायन्समध्ये शिक्षण घेतले होते. त्यांची पत्नी नामांकित शाळेत कोऑर्डिनेटर होती आणि मुलगी कॉम्प्युटर सायन्सचे शिक्षण घेत होती.
……………………………………..
