पुणे : पुण्यातील भोर जिल्ह्यातील नसरापूर अत्याचार प्रकरणातील सगळ्यात मोठी बातमी समोर आली आहे. २८ दिवसांत आरोपीविरोधात आरोप निश्चित करण्यात येणार असल्याची माहिती आहे. नसरापूर अत्याचार आणि हत्या प्रकरणात आरोपीविरोधात आरोप निश्चित करण्यात आला आहे. न्यायालयाकडून आरोपीविरोधात पुरावे असल्याचे निरीक्षण नोंदवण्यात आले आहे. आता खटल्याची रोज सुनावणी इन कॅमेरा पद्धतीने होणार असल्याची माहिती समोर आली आहे.
नसरापूर अत्याचार प्रकरणातील आरोपीला पहिल्यांदाच प्रत्यक्ष कोर्टात हजर करण्यात आले होते. कोर्टात युक्तिवाद करताना आरोपीच्या वकिलांकडून विरोध करण्यात आला, मात्र पुरावे नसल्याने आरोपीवर आरोप निश्चिती करण्यात आली. पंधरा दिवसात चार्जशीट दाखल करण्यात आले होते. ते सादरही करण्यात आले होते. त्याच चार्ज शीटवर आज सुनावणी पार पडली असल्याची माहिती समोर आली आहे.
याप्रकरणातील लैंगिक चाचणी, सीसीटीव्ही फुटेज या सगळ्याची तपासणी पुन्हा एकदा करण्यात आली, त्याचबरोबर दोषारोप पत्राची माहिती देखील यावेळी कोर्टाला देण्यात आली. या आरोपीवर आरोप निश्चिती करण्यात आली आहे. आता रोज या प्रकरणाची सुनावणी इन कॅमेरा पद्धतीने होणार असल्याची माहिती समोर आली आहे.
पुण्यातील नसरापूर येथे १ मे रोजी एक धक्कादायक घटना घडली. एका ६५ वर्षीय व्यक्तीने, घरासमोर खेळणा-या चिमुकलीला गोठ्यात नेऊन तिच्यावर लैंगिक अत्याचार केला. त्यानंतर दगडाने ठेचून तिला निर्घृणपणे संपवले आणि नंतर तिचा मृतदेह शेणाच्या ढिगा-याखाली झाकून ठेवला. दुपारी चिमुकली न दिसल्याने तिची शोधाशोध केल्यानंतर चिमुकली गोठ्यात मृत अवस्थेत आढळली. त्यानंतर परिसरात असलेले सीसीटीव्ही फुटेज चेक केल्यानंतर आरोपी चिमुकलीला गोठ्याच्या दिशेने घेऊन जाताना दिसला. त्यानंतर हा प्रकार उघडकीस आला.
