लखनौ : उत्तर प्रदेशात प्रादेशिक परिवहन अधिका-यावर उत्पन्नापेक्षा जास्त मालमत्ता बाळगल्या प्रकरणी कारवाई करÞण्यात आली. न्यायालयाने झडतीचे वॉरंट काढल्यानंतर अधिका-यांनी त्याच्या लखनौतील निवासस्थानी छापे टाकले असता मोठे घबाड सापडले आहे. रोकड, सोने चांदीसह मालमत्तांची कागदपत्रे आढळून आली आहेत.
ललित कुमार असे कारवाई करण्यात आलेल्या अधिका-याचे नाव आहे. लखनौतील अलीगंजमधील त्याच्या निवासस्थानी छापा टाकल्यानंतर अधिका-यांचेही डोळे विस्फारले. घरात तब्बल १.६२ कोटींची रोकड सापडली आहे. घरात वेगवेगळ्या ठिकाणी पाकिटांमध्ये हे पैसे ठेवले होते. अजुनही कारवाई सुरू असल्याची माहिती अधिका-यांनी दिली आहे. विजिलन्स विभागानं टाकलेल्या छाप्यात घरात काही मौल्यवान वस्तूही सापडल्या आहेत. सोन्याच्या १३ किलोच्या वस्तू अधिका-याकडे सापडल्या. यात साखळ्या, विटा आणि दागिने यांचा समावेश आहे. तर चांदीच्या ९ किलोच्या साखळ्या, बिस्किटे आणि दागिने आढळून आले. याची एकत्रित किंमत जवळपास २० कोटी रुपये अंदाजे आहे.
ललित कुमारच्या घरात अनेक कागदपत्रेही आढळली आहेत. यात लखनौत अनेक ठिकाणी फ्लॅट आणि प्लॉट आहेत. याशिवाय लखनौ, बाराबंकी, रायबरेली जिल्ह्यात शेजतमीन आणि लखनौ, नोएडात फ्लॅट बूकिंग यांचा समावेश आहे. या जमिनींची आणि फ्लॅटची एकत्रित किंमत १२३ कोटी सांगितली जात आहे. अधिका-यांनी घरातून टोयोटा, इनोव्हा, ुंडाई आय २० कार आणि एक रिव्हॉल्वर जप्त करण्यात आली.
