लातूर : प्रतिनिधी
समाजाला वैभवशाली ऐतिहासिक परंपरा असून धनगर समाज हा मेहनती, प्रामाणिक व निष्ठावंत असल्याचे सांगून सामाजिक उन्नतीसाठी संघटन मजबूत करण्याचे आवाहन सुप्रसिद्ध न्यूरो सर्जन डॉ. हनमंत किनीकर यांनी केले. येथील सकल धनगर समाजाच्या वतीने प्रशासकीय सेवेतील उत्कृष्ट कार्याबरोबरच सामाजिक बांधिलकी जोपासणारे सनदी अधिकारी सहाय्यक कामगार आयुक्त मंगेश झोले यांच्या प्रशासकीय बदली निमित्त निरोप देण्यासाठी व पोलीस दलातील प्रामाणिकपणा व जिद्दीच्या जोरावर पोलीस निरीक्षक पदावर पदोन्नती झालेले शिवाजीराव देवकते यांच्या सत्कार समारंभ प्रसंगी आयोजित कार्यक्रमाच्या अध्यक्षीय समारोप प्रसंगी डॉ. हनमंत किनीकर बोलत होते. याप्रसंगी शैक्षणिक व सामाजिक क्षेत्रातील उल्लेखनीय कार्याबद्दल प्राचार्य एकनाथ पाटील व मुक्या प्राण्यांच्या शेकडो पाणपोई उभारणीसाठी सातत्यपूर्ण योगदान देणारे समाजसेवी धनराज माने यांचा मान्यवरांच्या हस्ते सत्कार करण्यात आला.
कार्यक्रमास लातूर पंचायत समितीचे सभापती श्रीकांत बैले, अॅड. मारुती मांडुरके, राजपाल भंडे, राजाभाऊ मदने गुरुजी, अॅड. सिध्देश्वर धायगुडे, संपत गंगथडे, अॅड. विकास सूळ, प्रा. हनमंत सलगर, प्रा. अशोक अभंगे, व्यंकट सुर्यवंशी, लहु बोडके, विठ्ठल शेवाळे, राजू मदने, राजेश काळे, पंडित नाईक, प्रा. दयानंद काळे, राजेंद्र सूळ, बालाजी सुरवसे, विष्णु कारवाडे, महेश देवकत्ते यांच्यासह समाज बांधव मोठ्या संख्येने उपस्थित होते. सूत्रसंचलन प्रा. लहुकांत शेवाळे यांनी केले तर गडदे यांनी आभार मानले.
