लातूर : प्रतिनिधी
महापौर जयश्रीताई सोनकांबळे, आयुक्त श्रीमती मानसी यांचे निर्देशानुसार दि. २० जून रोजी शहरातील गंजगोलाई भागात सिंगल युज प्लास्टीकवर व सार्वजनिक रस्त्यावर कचरा टाकणा-यावर कार्यवाही करण्यात येऊन २० हजार ५०० रुपयांचा दंड वसूल करण्यात आला. सदर कार्यवाहीदरम्यान सिंगल युज प्लास्टिक वापर करणाया ४ आस्थापनांवर दंडात्मक कार्यवाही करून २० हजार रूपयेची दंडात्मक कार्यवाही करण्यात आली.तसेच सार्वजनीक ठिकाणी कचरा टाकणा-या एका नागरिकाला ५०० रुपये दंड करण्यात आला. सदर कार्यवाहीदरम्यान प्रमुख स्वच्छता निरीक्षक अक्रम शेख, शिवराज शिंदे, स्वच्छता निरीक्षक महादेव फिस्के, प्रदीप गायकवाड, रवि शेंडगे, श्रीकांत शिंदे, तसेच कर्मचारी उपस्थित होते.
