लातूर : प्रतिनिधी
लातूर जिल्हयात अत्यल्प पाऊस झाल्याने दुष्काळी परिस्थिती निर्माण झाली आहे. अशा परिस्थितीत शेतक-यांनी झेंडूच्या फुलांची लागवड केली होती. दसरा अर्थात विजया दशमीच्या पूर्व संध्येला शेतक-यांनी झेंडूच्या फूलांची तोंडणी करून लातूरच्या बाजार पेठेत विक्रीसाठी आणली आहेत. चार दिवसापूर्वी २० रूपये पाव किलो विकणारी झेंडूची फुले सोमवारी ४० ते ५० रूपये किलो दराने विक्री होताना दिसून आली. या फूलांच्या विक्रीतून शेतक-यांचा खर्चही निघने कठीण झाला असून एैन दुष्काळी परिस्थितीत शेतक-यांच्या झेंडूच्या फुलांचा सुगंध स्वस्त झाला आहे.
नवरात्र महोत्सवा निमित्त गेल्या नऊ दिवसामध्ये भाविक भक्तांनीनी अंबाबाईचा जागर केला आहे. मंगळवारी दसरा असल्याने नागरीक मोठया प्रमाणात खरेदीकडे वळाले आहेत. लातूरच्या बाजार पेठेत आजू बाजूच्या तालुक्यातून व विषेत: नांदेड जिल्हयातून मोठया प्रमाणात झेंडूची फुले विक्रीसाठी शेतकरी आले आहेत. त्यामुळे लातूरच्या बाजार पेठेत नांदेडच्या झेंडूच्या फूलांचा सुगंध दरवळत आहे. गेल्या चार दिवसापूर्वी २० रूपये पाव किलो झेंडूच्या फूलांची विक्री होत होती. सोमवारी विजया दशमीच्या पूर्व संध्येला झेंडूच्या फूलांच्या दरात घसरण होऊन ४० ते ५० रूपये किलो दराने झेंडूच्या फूलांची विक्री होत होती. दुष्काळात झेंडूच्या फुलांचा सुगंध स्वस्त झाला आहे.
लातूरच्या बाजारात नांदेडचा ‘झेंडू’
नवरात्र उत्सवाची सांगता आज विजया दशमीने होणार आहे. नांदेड जिल्हयातून मोठया प्रमाणात झेंडूची फुले लातूर शहरात विक्रीसाठी आली आहेत. लातूर-बार्शी रस्त्यावरील जुन्या जिल्हाधिकारी कार्यालयाच्या समोर झेंडूच्या फूलांची मोठया प्रमाणात विक्री होत असून नागरीकही मोठया प्रमाणात फूलांची खरेदी करातना दिसून येत आहेत.
