परभणी : अखिल भारतीय पेशवा संघटने परभणी जिल्ह्याच्या वतीने ब्राह्मण समाजातील १०वी, १२वी उत्तीर्ण गुणवंत विद्यार्थ्यांचा सत्कार समारंभ दि.१७ मे रोजी वैष्णवी मंगल कार्यालयात पार पडला. या सत्कार सोहळ्यात शेकडो गुणवंत विद्यार्थ्यांना पालकांसह मान्यवरांच्या हस्ते सन्मानीत करण्यात आले.
या कार्यक्रमाची सुरूवात भगवान परशुराम यांच्या प्रतिमेचे पूजन व दिपप्रज्वलनाने करण्यात आली. या कार्यक्रमाच्या अध्यक्षस्थानी माजी सहयोगी अधीष्ठाता डॉ. सुधीर राजूरकर होते. प्रमुख पाहुणे म्हणून परळी वैजनाथचे नगराध्यक्ष बाजीराव धर्माधिकारी, अखिल भारतीय पेशवा संघटनेचे सचिन वाडे पाटील, योगेश धर्माधिकारी, रविंद्र पंडीत, जिल्हाध्यक्ष दिपक कासांडे, नंदूकाका परांडकर, प्रा. संतोष कुलकर्णी, प्रसाद वाघमो, अनिरूध्द काटे, फिजीकपरलरवे प्रा. गगनदीप, प्रणव महाजन, बालाजी, पार्थ वाडे पाटील यांची प्रमुख उपस्थिती होती.
यावेळी उपस्थित मान्यवरांनी गुणवंत विद्यार्थ्यांना शुभेच्छा देऊन करिअर मार्गदर्शन केले. तसेच गरीब व होतकरू विद्यार्थ्यांना समाजाच्या वतीने आर्थिक मदत देण्याचे आश्वासन यावेळी देण्यात आले. सुत्रसंचलन विश्वांभर काठवटे, प्रास्ताविक सचिन वाडे पाटील यांनी केले. आभार जिल्हाध्यक्ष दिपक कासांडे यांनी मानले. या सत्कार सोहळ्यााया यशस्वितेसाठी सुशिल नर्सिकर, योगेश जोशी, प्रदीप जोशी, नागनाथ नरळदकर, रोहित कनकदंडे, विशाल जोशी, आनंद रामपूरकर आदींसह पदाधिकारी व सदस्यांनी परिश्रम घेतले.
