देवणी : प्रतिनिधी
राज्याचे माजी मुख्यमंत्री लोकनेते विलासराव देशमुख यांच्या ८१ व्या जयंती निमित्त तळेगाव तालुका देवणी येथील जागृती शुगर अँड अलाईंड इंडस्ट्रीजच्या वतीने कारखाना स्थळी मंगळवारी लोकनेते विलासराव देशमुख यांच्या स्मृतीस्थळी अभिवादन करण्यात आले तर तळेगाव, बालाजीवाडी, अचवला येथील जिल्हा परिषद शाळेतील ३०० विद्यार्थ्यांना शालेय साहित्य वाटप करण्यात आले. यात स्कूल बॅग, कंपास पॅड यांचा समावेश आहे. कारखानास्थली उपस्थित मान्यवरांच्या हस्ते वृक्षारोपण करण्यात आले.
यावेळी जागृती शुगरचे उपाध्यक्ष लक्ष्मणराव मोरे, रेणा साखर कारखान्याचे माजी अध्यक्ष यशवंतराव पाटील, जागृती शुगरचे संचालक दिलीप माने, जिल्हा परिषदेचे माजी सदस्य शिवाजीराव केंद्रे, जिल्हा बँकेचे संचालक दिलीप पाटील नागराळकर, प्रा. शशिकांत कदम, संभाजी रेड्डी, तळेगाव येथील उपसरपंच धनाजी जाधव, वलांडीचे सरपंच राम भंडारे, बालाजी कारभारी, धनराज चीद्रे, माधवराव पाटील, मुस्ताक कादरी, मालबा घोन्से, धनाजी कोटे, भीमा खुंटेगावे, तात्याराव निडवंचे, कारखान्याचे जनरल मॅनेजर गणेश येवले, मुख्य शेतकी अधिकारी रामानंद कदम, मुख्य अभियंता अतुल दरेकर, उप अभियंता अक्षय सूर्यवंशी, केमिस्ट गंगाधर जाधव, डिस्टिलरी प्रमुख विलास जाधव, बिसलरी डेप्युटी इन्चार्ज दिलीप काशीद, ऊस पुरवठा अधिकारी लक्ष्मण बिराजदार यांच्यासह मान्यवर उपस्थित होते.
