अमरावती : प्रतिनिधी
अमरावती जिल्ह्यातील चिखलदराजवळ बस दरीत कोसळून भीषण अपघात झाल्याची घटना समोर आली आहे. या दुर्घटनेत दोन महिला व एक बालक अशा तीन प्रवाशांचा मृत्यू झाला आहे.
तसेच यामध्ये तब्बल ३६ प्रवासी गंभीररीत्या जखमी देखील झाल्याची माहिती मिळत आहे.
परतवाडा-सेमाडोह घटांग रस्त्यावर हा अपघात झाला. घाट वळणाच्या रस्त्यावर चालकाचे नियंत्रण सुटल्याने हा अपघात झाल्याचे सांगितले जात आहे.
